[1] ConquestaXIVRT - Simuni da Lentini, La Conquesta di Sichilia, CAPITULU XXV, pag. 116.8: La mugleri di Benaver, chi era a la chitati, videndu lu maritu mortu et la chitati in tantu periculu, illa cum unu sou figlu et li meglu di Saragusa si misiru di notti in duy ligni armati et, velochimenti vocandu li rimi, passaru per menczu li navi di li Normandi et fugeru et salvarusi a Notu.

[2] RanzanoXVF - Pietro Ranzano, De lo autore et de li primi principii, 9.26: Et per tali causa li Romani, commossi et indignati, armaro trichento galiaczi li quali vocavano chinco rimi per banco, et cum grandi exercito mandaro dui nobili homini consuli, di li quali l'uno si chama Aulo Aquilio i l'a<l>tro si chama Gayo Cornelio.